Comeza Merendas con contos para nenos de 3 a 7 anos

Iniciamos unha nova tempada do programa “Merendas con contos” para nenos de 3 a 7 anos. Peluxe e Plumas convidan a todos aqueles que queiran asistir a unha suculenta merenda. O menú, como non! contos de aquí e de alá, de antes e de agora, que lles contaron ou que leron. Peluxe e Plumas cantan, contan, dramatizan e orientan estes encontros á procura de estratexias que provoquen a lectura en familia.

Podedes retirar as invitacións unha semana antes da celebración do contacontos a partir das 10 h. a través da nosa páxina web   ou acudindo a algunha das nosas bibliotecas.

Achegámosvos un calendario coa programación completa para que non perdades ningunha e se tedes algunha dúbida, escribide a bibliotecas@coruna.es