Hai uns días tivemos o pracer de gozar da compañía e dos contos de Títeres Cachirulo. Dende a selva profunda, perdida e descoñecida, pero tamén da granxa que nos trae ovos e queixo, viñeron un montón de animais a falarnos das súas vidas. A nosa amiga Carmen, utilizando todo tipo de materiais (debuxos enormes enrolados como alfombras, abanos xigantes con fermosas ilustracións, paraugas máxicos onde íanse pousando un personaxe tras outro, monicreques e moito máis) transportáronnos voando a un fermoso mundo de fantasía.
Os nenos e tamén os pais e as bibliotecarias pasámolo en grande con Elmer, os seus curmáns os elefantes brancos e negros, Xulieta e os seus irmáns e moitos máis, quen nos ensinaron o valor da amizade, da cooperación e de entender que todos somos diferentes pero iguais. Moitas grazas a Carmen pola súa visita e por todas as fermosas historias que nos agasallou!
ESPAZO INFANTIL E XUVENIL 
Deixar unha resposta